هجير الشوق
11-May-2007, 02:59 AM
(((... وداع الطير ...)))
ياطير عقبي كن خاطرك شاين === خاطرك شين وغيبتي عنك يومين
النقص فيك مبين(ن) له بواين === في لمعة الريشه وفي ناظر العين
ياطير انا وياك كنا خداين === وبيني وبينك ولف ومعامل(ن) زين
يوم نتخاوى مع وجيه الضعاين === ونهمل سبوقك في مناكب خسيرين
ولا شمال الهضبتين القراين === شرقي طلال ومن سواحيق ويمين
والا عطينا سكة التابلاين === ولا قد عطيناها عليهن حراذين
نصبح على طارات شهب المكاين === بين العراقيين والاردنيين
في خايع(ن) به كن عيني تعاين === ربد الحباري به على اربع وثنتين
وناخذ لنا أيام بذيك الدفاين === ومابين برقع والغدف والبسيتين
ونكسر على ماينحدر من ضواين === وناخذ هناك اسبوع ولا اسبوعين
وننكف انشاط وسالمين الصخاين === ولو كان نتعب عدنا مستريحين
قدام يطلع للصقاره زباين === ناس(ن) تحوش القوبعه بأم روحين
ليا روحو بمشحنات الخزاين === مافي نحاهم ذوقوه الامرين
واليوم مابيني وبينك مداين === انا سعودي وانت جاين من الصين
واما لقينا للحباري عواين === والا توادعنا وداع المحبين
الوقت ماتاليه معنا بزاين === والبر في حادور من حين لا حين
ادناه مليان(ن) كراتين فاين === واقصاد ضاق وضيقوبه هل الضين
وضاقت مناهج طيبين الضغاين === واللي على المقناص بالطير ضارين
واليوم كان اللي يحاكيك ماين === هذي سبوقك وانتهض بالجناحين
وهاجر مهاجر مبحرات السفاين === للصين والا اهبط على ضلع قزوين
لو كان عندي ما فراقك بهاين === حنا عزاز ولا نهين العزيزين
خلك تروح ولا تشوف الغباين === شاملك عفواً مثل عفو المساجين
وسلامتكم
ياطير عقبي كن خاطرك شاين === خاطرك شين وغيبتي عنك يومين
النقص فيك مبين(ن) له بواين === في لمعة الريشه وفي ناظر العين
ياطير انا وياك كنا خداين === وبيني وبينك ولف ومعامل(ن) زين
يوم نتخاوى مع وجيه الضعاين === ونهمل سبوقك في مناكب خسيرين
ولا شمال الهضبتين القراين === شرقي طلال ومن سواحيق ويمين
والا عطينا سكة التابلاين === ولا قد عطيناها عليهن حراذين
نصبح على طارات شهب المكاين === بين العراقيين والاردنيين
في خايع(ن) به كن عيني تعاين === ربد الحباري به على اربع وثنتين
وناخذ لنا أيام بذيك الدفاين === ومابين برقع والغدف والبسيتين
ونكسر على ماينحدر من ضواين === وناخذ هناك اسبوع ولا اسبوعين
وننكف انشاط وسالمين الصخاين === ولو كان نتعب عدنا مستريحين
قدام يطلع للصقاره زباين === ناس(ن) تحوش القوبعه بأم روحين
ليا روحو بمشحنات الخزاين === مافي نحاهم ذوقوه الامرين
واليوم مابيني وبينك مداين === انا سعودي وانت جاين من الصين
واما لقينا للحباري عواين === والا توادعنا وداع المحبين
الوقت ماتاليه معنا بزاين === والبر في حادور من حين لا حين
ادناه مليان(ن) كراتين فاين === واقصاد ضاق وضيقوبه هل الضين
وضاقت مناهج طيبين الضغاين === واللي على المقناص بالطير ضارين
واليوم كان اللي يحاكيك ماين === هذي سبوقك وانتهض بالجناحين
وهاجر مهاجر مبحرات السفاين === للصين والا اهبط على ضلع قزوين
لو كان عندي ما فراقك بهاين === حنا عزاز ولا نهين العزيزين
خلك تروح ولا تشوف الغباين === شاملك عفواً مثل عفو المساجين
وسلامتكم