سراب الأحلام

[الهنوف]

http://www.al-wed.com/pic-vb/115.gif



عزاه لي من ضيقة (ن)كل ما امسيت

تقبـل مـع اقبـال المسـا مدلهمـه

يضيق بي من ضيقة الخاطر البيـت

واسج رجلي مير مـن غيـر يمـه

ياليتها فيهـا فـرج يـوم سجيـت

هنيت من ينسـى ليـا سـج همـه

الفكر مركب تاه في بحـر تشتيـت

موج (ن)يحول بـه وموج(ن)يزمـه

سبب ضما الواقع وحـر التناهيـت

قمت اعتبر سـراب الاحـلام جمـه

كم قلت ليت وكثـر ماقلـت مليـت

تعبت اطش الحلـم وارجـع والمـه

لان ناتـج ماحلـمـت وتمنـيـت

اطيـر مـن غمـه واوقـع بغمـه

آمنت بأن الحي على الامـل ميـت

حتيش لو يظهـر حماسـه وهمـه

مادام راس المال من ارصـدة ليـت

المربـح المضمـون هـم ومغمـه

عاندت واقع واحتزمـت وتحديـت

وعايشت ضيم القاع باحساس قمـه

مدحت به واسرفت بالمدح واطريت

ادفـع مدايـح فـي محـل المذمـه

اخاف اقول العلـم ياكيـت ياكيـت

ياللي سمعته حسـب معنـاك سمـه

ترجع لي بلهجة ضحكوك ومشاميت

من واحد(ن)برد فضـا البـال دمـه

وابلش بهذه صبت وبهـذه اخطيـت

ومن لايخصه خيـر فالشـر عمـه

ياما عن انظـار الحقيقـه تواريـت

بطريقة اللـي شـال موتـه بكمـه

يظهر على وجهي من الحزن مانشيت

لكنـي ادفـن بالضلـوع التتـمـه

ابيـن الهيـن وللكـايـد اخفـيـت

والنـاس ماهـي بالخوافـي ملمـه

قاسيت من ميلات وقتـي وعانيـت

والحـال نكبـات الليالـي تسـمـه

على لحن بكـره تساهيـل غنيـت

لكـن مـا لأيامـي السـود ذمــه



للاستماع
http://www.al-wed.com/pic-vb/115.gif
http://www.khozamanajd.com/vb/redirector.php?url=http://www.movn.net/voices-action-show-id-3386.htm (http://www.khozamanajd.com/vb/redirector.php?url=http://www.movn.net/voices-action-show-id-3386.htm)


؛


من اختياري عسى ان ترضي اذواقكم



الهنوف

:

http://www.al-wed.com/pic-vb/115.gif

[مــحمـد]

لا جديد في متصفحك سوى

روعة حرفك

كل الشكر يالهنوف دايما مميزه

[غ ــيـرني جرحــكـ]

قاسيت من ميلات وقتـي وعانيـت


والحـال نكبـات الليالـي تسـمـه


على لحن بكـره تساهيـل غنيـت


لكـن مـا لأيامـي السـود ذمــه

ابيــــــــــآآآت روووووووووووووعه

يعطيك العافيـــــــــــــــه

كل الود